ಚಕ್ಕುಲಿ

ಬೇಕಾಗುವ ಸಾಮಗ್ರಿಗಳು: 

• ಅಕ್ಕಿ 1ಕಪ್ 
• ಪುಟಾಣಿ ಬೇಳೆ 1/2ಕಪ್ 
• ಉದ್ದಿನ ಬೇಳೆ  1/4ಕಪ್ 
• ಉಪ್ಪು 
• ಅರಿಶಿನ ಸ್ವಲ್ಪ 
• ಓಮ ಕಾಳು 1-2tsp 
• ಎಳ್ಳು 2tsp 
• ಎಣ್ಣೆ ಕರಿಯಲು 

ಮಾಡುವ ವಿಧಾನ:

• ಅಕ್ಕಿ,ಪುಟಾಣಿ,ಉದ್ದಿನ ಬೇಳೆಯನ್ನು ಬೇರೆ ಬೇರೆಯಾಗಿ ಹುರಿದಿಟ್ಟುಕೊಳ್ಳಿ.
• ಅಕ್ಕಿಯನ್ನು ಬೇರೆಯಾಗಿಯೇ ನುಣ್ಣಗೆ ಪುಡಿಮಾಡಿ.
• ನಂತರ ಪುಟಾಣಿ,ಉದ್ದನ್ನು ನುಣ್ಣಗೆ ಪುಡಿಮಾಡಿ.
• ಈಗ ಪುಡಿಮಾಡಿದ ಎಲ್ಲ ಹಿಟ್ಟು,ಓಮಕಾಳು,ಎಳ್ಳು,3tsp ಬಿಸಿ ಎಣ್ಣೆ,ಅರಶಿನ ಮತ್ತು ಉಪ್ಪನ್ನು ಒಂದು ಪಾತ್ರೆಗೆ ಹಾಕಿ,ಉಗುರು ಬೆಚ್ಚಗಿನ ನೀರಿನಿಂದ ಹಿಟ್ಟನ್ನು ಕಲಸಿ.
• ಎಣ್ಣೆ ಬಿಸಿಗಿಡಿ.
• ಚೆನ್ನಾಗಿ ನಾದಿ,ಚಕ್ಕುಲಿ ಮಟ್ಟಿನಲ್ಲಿ ಹಿಟ್ಟನ್ನು ತುಂಬಿ.
• ಎಣ್ಣೆ ಬಿಸಿಬಂದ ನಂತರ,ಚಕ್ಲಿ ಮೆಟ್ಟಿನ ಸಹಾಯದಿಂದ ಚಕ್ಲಿ ಮಾಡಿ ಎಣ್ಣೆಯಲ್ಲಿಬಿಡಿ.
• ನಿಮಗೆ ತಾಳ್ಮೆ ಇದೆ ಎಂದರೆ ಚಕ್ಕುಲಿಯ ನಿಜವಾದ ಆಕಾರಕೊಡಿ.ಇಲ್ಲವೆಂದರೆ ಹಾಗೇ ಮಾಡಿ.ರುಚಿ ಏನೂ ಬದಲಾಗುವದಿಲ್ಲ.
• ಸಣ್ಣ ಉರಿಯಲ್ಲಿ ಕರಿಯಿರಿ.ಹೊಂಬಣ್ಣ ಬರುವ ತನಕ ಕರಿದು ತೆಗೆದು,ತಣ್ಣಗಾಗಲು ಬಿಡಿ.
• ನಿಮ್ಮ ಜಗುಲಿಗೆ ಹೋಗಿ ಆರಾಮವಾಗಿ ಕೂತು,ನಿಮಗೆ ಯಾವ TV ಕಾರ್ಯಕ್ರಮ ಇಷ್ಟನೋ ನೋಡ್ತಾ ತಿನ್ನಿ.